Atvinnubílstjórar sem aka bílum í flokkum C, C1, D og D1 þurfa að að ljúka endurmenntunarnámskeiðum á síðustu fimm árum fyrir endurnýjun til að fá tákntöluna 95 í skírteinið sitt. Mikil ábyrgð hvílir á bílstjórum stórra ökutækja en markmið námskeiðanna er að efla atvinnubílstjóra sem fagstétt og auka umferðaröryggi. 95 tákntalan gerir bílstjórum kleift að starfa við akstur innan EES svæðisins. Frekari upplýsingar um fyrirkomulag réttindanáms veitir Samgöngustofa.
Námskeiðum er skipt í þrjá hluta; Umhverfi – Lög og reglur & Öryggi.
Hver bílstjóri þarf að taka að fimm námskeið og að lágmarki eitt námskeið úr hverjum hluta. Hin tvö eru valfrjáls og mega vera úr hvaða hluta sem er. Nú er skylda að eitt af þeim fimm námskeiðum sem bílstjórar taka innihaldi verklegan hluta, til dæmis akstursöryggisnámskeið, verklegt vistakstursnámskeið, námskeið í vetrarakstri eða verklega skyndihjálp.
Starfsmennt hefur gert samning við Ökuland um að greiða þátttökugjald fyrir félagsfólk aðildarfélaga sinna og samstarfssjóða.
ATH atvinnubílstjórar skrá sig á námskeiðið hjá Starfsmennt. Kóði er síðan sendur til þátttakenda sem er notaður til að skrá sig á námskeiðið hjá Ökulandi.
Best er að innrita sig á eitt námskeið í einu og klára það og svo koll af kolli.
Ef þig vantar nánari upplýsingar eða þú ert með ábendingar til okkar hvetjum við þig til að hafa samband.
Skoða öll námskeið | Skoða upplýsingatækninámskeið | Skoða þjónustunámskeið | Starfsþróunarráðgjöf